Sy sing verhoë regoor die land aan die brand en haar albums verkoop soos soetkoek. Boonop kan aanhangers weereens daarna uitsien om Lianie May later vanjaar op die Afrikaans is Groot verhoog te sien. Ons het bietjie met Lianie gaan gesels oor mode, die belangrikheid van velsorg en haar liefde vir Pretoria.
Behalwe vir cowboy-bootse. Wat is drie moet-hê items wat elke vrou in haar kas moet hê hierdie winter?
Beslis jou lekkerste warm baadjie of trui, wat jy gereeld met gemak oral en saam met elke jean in jou kas kan dra. Dan natuurlik handskoene en ‘n serp as jy uitgaan.
Wat is jou skoonheids geheim?
Ek glo maar in die basiese stappe: reinig jou vel, dra altyd vogroom en son beskerming, eet reg, dring genoeg water, neem jou multi-vitamines en kry genoeg oefening. Vars lug is natuurlik ook baie belangrik.
In jou musiekvideos spog jy altyd met ‘n welige haredos. Verkies jy ‘n langer of korter haarstyl?
Die langer hare is maar nog altyd deel van my en ek mis dit baie, maar die korter hare is weer lekker koel in die somer. Die korter hare is ‘n nuwe styl maar ek is besig om my hare weer te laat groei.
Enige wenke vir die versorging van hare?
Goeie produkte en die regte produkte vir jou hare is baie belangrik. Kies ook ‘n goeie salon en laat jou punte gereeld sny. Ek gebruik Gary Rom haarprodukte – hul salon haarmasker is brilliant vir droë hare en ek is baie bevoorreg om die salon as borg te hê.
Ons weet jy is ‘n Pretorianer maar waar is jou gunsteling plek om op te tree in Pretoria?
Enige plek in Pretoria!
Pretoria is die droom ‘dorp’ se liggies wat ek as klein dogtertjie op die plaas in die verte gesien het. Dit is ook die plek waar ek later sou kom bly. Wat ‘n voorreg om vir die stad se verjaardag op Kerkplein by die Paul Kruger standbeeld te kon sing en die jare daarna by die Voortrekker Monument vanwaar jy na die Monument en Pretoria kan staar terwyl jy sing … Pretoria was nog altyd my huis!
* Lianie May is later vanjaar op die Afrikaans is Groot verhoog te sien en aanhangers kan hul regmaak vir ‘n vertoning soos nog nooit tevore. Die wat nog kaartjies wil bekom sal op 25 Junie moet gou spring. Die onbetaalde kaartjies vir #AIG2015 word op 25 Junie om 10:00 weer beskikbaar gestel by http://t.co/HTrrTCuNdM.
No comments:
Post a Comment